Es isch emal en Hund gebore z' Tsüri. Er hät sich scho urfrüe getraut z' liebe, winen Wilde dur Felder z' renne und de Mond a z' hüle. Mer seit er heb so veruckt vil verschideni Sache gmacht und usprobiert, wie meng andere i drü Läbzite nöd vermögti. Ob kyrillisch jaule, under verwandte und doch fremde Flagge diene, unabhängig dur de Zürcher Äther tribe oder de Idaplatz no chli doper mache - im Zentrum isch immer Eis gstande: mit anderne Mensche z' interagiere und ihne mit Lideschaft z' diene.
Bi all dem isch de Hund aber chli out of control grate, isch tusnige vo Chnöche nagrännt und Gfangene und Sklav vo sim exzessiv hundige Übermuet und Ufopferigssinn worde. Amene gwüsse Punkt vor bald zwei Jahr hät er agfange ine tüfi Höhli abe z' gheie, nachem Ufschlag no tüfer abechrüche, immer tüfer, ganz tüf abe, ganz tüf bis rock fucking bottom. Det - am End und am Afang vo alem - isch de Hund sich selber begegnet.
Sit dänn liebt und luegt de Hund sich selber - i jedem Moment - will er weiss, das er nur so de best Hund cha si für sich selber und für ali andere.
En freie Hund uf em beste Weg.
Sit 20 Jahr macht er Musig und vor knapp eme Jahr hät er de Asynchroni Pop gfunde, sini eigeni Sprach, sis Ding.
Und er hät in Spiegel gluegt und gseit
ICH BI DE
DOG DYLAN.
VO NULL UF ASYNCHRON
Während 10 Jahr isch nöd vill me bim Musig mache usecho als komische Trance, vermodrete Indiepop oder betrunkeni Liebeserchlärige. Und obwohl er mit Bands wie Régime Spécial (hüt Tim Freitag) und Batman (hüt Crimer) uf de Bühni gstande isch, hät de DOG DYLAN nie würklich sis Ding gfunde. Woner us gsundheitliche Gründ Afang 2018 wieder zrugg id Schwiz hät müse cho, hät s' Universum s' wele, das er sich während mehrerne Mönet mit D und D im Milchbuck troffe hät und sie zäme als Farts & Roses ufere unglaublich elaborierte Sammlig vo Synthies Musig gmacht händ. Vo det a isch em Hund klar gsi: that's the fucking shit I need. Wäg de beidne Genies D und D und de Ziit im Wald, ide Chuchi und im Studio isch en guetartige polymorphe horizonterwiternde Virus i ihm usbroche.
Und dänn, amene unverhoffte Früeligsmorge im Mai 2018 isch de Hund mit sinere Familie i ihrem Refugium ide Hügel vode Franche-Comté gsi. Goldigs Liecht, es alts Puurehuus und en wullige Teppich ide Stube. Irgend e Urchraft isch dur ihn dure und er hät i eim Tag ICH GAH NÖD HEI und DU UND ICH ufgno und zwei Videoclips dezue dreit. Asynchrone Pop. Das isch was de DOG DYLAN macht. Im Verlauf vom Jahr sind dänn no witeri Tracks dezue cho und händ am Schluss zumene Album gfüert. Mit em Album ASYNCHRON isch es rohs und ur-ehrlichs Erstlingswerch uf d' Wält cho. Jede Ton isch vom DOG DYLAN selber gspillt, gsunge oder ufgno worde. Gschaffet hät er usschliesslich mit sim iPhone, Garageband, sim Chindheitsklavier, wo sit 15 Jahr nüm gstimmt worde isch, eme Flügel im Alterszentrum Klus am Park und de Grüsch vo sinere Heimetstadt Tsüri.
D' Idee und d' Ufnahme läbed vom Prinzip vom Instant Composing und vom asynchrone verflechte vo unveränderete One-Cut-Ufnahme. Kommerzielli Strukture, Musig-Gschicht und -Kultur lösed sich i teilwis enorm oppulente Perkussions- und Harmonie-Nebel uf. Im Zentrum stat sin Wunsch und Drang nach Freiheit und nacheme noie Erlebnis vo Musig. Freier, vielschichtiger, ufribender und ufweichender, irritierender, ilullender und tüfer. Lug da s' Video und de Hintergrund zum allererste Lied ICH GAH NÖD HEI.
A SY N C H R ON isch Erl ösig vom Dik tat vode Norme.
AS Y N C H R O N isc h Lä be im Je tzt.
AS Y N CH RO N isch Al les lo sla.
A SY N C HR O N i sch F re ihe it.
A S YN C H R ON i sch pe rfekti Im pe rfektion.
Mit de Ufnahm ade ZHdK für de CAS Creation and Scenario in Music fürs 2019 isch de Weg gleit, dass de
DOG DYLAN sin Wunsch erfülle chan, musikalischs und künstlerischs Neuland z' entecke und sini künstlerisch Identität z' finde. Im Fokus stat d' Stärchig und Schärfig vode eigene künstlerische Handschrift i Idee und Uftritt und d' Entwicklig und Realisierig vo entsprechende musikalisch-szenische Umsetzigsforme.
De erwähnti Struggle vom DOG DYLAN zieht sich sit scho bald 2 Jahr hi. Das hät en uf allne Ebene zimmlich mitgno und er schaffed sich vo Tag zu Tag und Monet zu Monet und mit unendlich gschetzter Understützig us sim Umfeld i hoffentlich bald chli ruigeri Gwässer. Mitem Erlös usem Verchauf vo Platte, Downloads und sustige Understützige wird einersits d' Produktion vode uf 200 Exemplar zimmli limitierte LP finanziert (ca. CHF 2000.-) und anderersit de CAS ade ZHdK (CHF 5800.-). De Rest flüsst i Artwork fürs Album (tusigmillione Küss nomal a Gérard Gérard), Chöste für Website etc. und das wo no übrig blibt i Instrument, Technik und Mittel zum im 2019 s' erste Konzert chöne ge.
D' Musig isch en essenzielle Teil vom Prozess usem Rabbit Hole use gsi - und ischs immerno. Sie hät sich so starch und unmissverständlich is Lebe vom DOG DYLAN inekatapultiert, das er jetzt ganz genau weiss, dass sini Existenz uf ihre ufbaut. Drum macht er jetzt de Schritt id Öffentlichkeit mit sinere Gschicht und sinere Musig. Er will vo dem afange lebe, woner liebt z' mache, wo ihn gsund macht und als Hund witer bringt.
Wänn Du s' Gfühl häsch Du fühlsches und wetsch dezue biträge, das de DOG DYLAN das cha mache, wo er liebt und sich für me Freiheit und bedingigslosi Liebi in Dienst stele cha, dänn chasch Du:
und Dich im Newsletter ischribe
Because I know how it is oni €€€, chasch Du Dir s' Album natürli au GRATIS inezie uf oder witer une im Player
HOWEWA
Jedi einzelni Understützig tuet de DOG DYLAN allermindischtens öppe so glücklich mache
MESSI!
DU LIEBE MÄNSCH
und
STAY TUNED!
ES HÄT NO
176 VO 200
ASYNCHRON
LOSE & DOWNLOADE
Plattecover isch made by Gérard Gérard
Gschicht
Dihei chas mega liislig si. So lislig, das mer merkt, wie absurd eigentlich alles isch. Drum gat mer amigs nöd hei und blibt eifach nochli dusse. Und trinkt nomal eis. Au wänns eim scho chli schlächt isch.
ICH GAH NÖD HEI isch inspiriert vo oisere blinde FOMO - Konsumgsellschaft, wo vom erste Augeblinzle am Morge a bis zum tot umgheie im Bett am Abig i keim Moment still will oder chan si.
Lyrics
ICH GAH NÖD HEI, WILL DIHEI ISCH ES LISLIG UND
ICH GAH NÖD HEI, WILL DIHEI ISCH ES LISLIG UND
ICH GAH NÖD HEI, WILL DIHEI ISCH ES LISLIG UND
ICH GAH NÖD HEI, WILL DIHEI ISCH ES LISLIG UND
ICH GAH NÖD HEI, WILL DIHEI ISCH ES LISLIG UND
ICH GAH NÖD [Görps]
ICH GAH NÖD HEI, WILL DIHEI ISCH ES LISLIG UND
ICH GAH NÖD HEI, WILL DIHEI ISCH ES LISLIG UND
ICH GAH NÖD HEI, WILL DIHEI ISCH ES LISLIG UND
ICH GAH NÖD HEI, WILL DIHEI ISCH ES LISLIG UND
ICH GAH NÖD HEI
Kamera
Nicchi
Credits
Franche-Comté, Stubebode & Toilette
© all rights reserved
DOG DYLAN
ICH GAH NÖD HEI
STAY TUNED!
ZRUGGFÜETTERE
Häsch Frage zu minere Musig?
Was löst si i Dir us?
Bisch verwirrt?
Erlöst?
Glücklich?
Hässig?
Wivil Wasser häsch hüt scho trunke?
TSÜRI, Wiedike